武吉士 (九龍貿易中心)

营业中

休息中

难得可以同系附近做野嘅朋友食个lunch，拣咗一间大家都就脚嘅地方。有时食lunch都会经过呢间餐厅，但未有机会试下。既然朋友又唔知附近有咩食，加上呢间价钱好似几平，我就提议试下呢间。香茅猪颈肉米线呢碗米线都算清清地，汤底无咩特别，好淡味。猪颈肉其实都好普通，香茅味欠奉，完全无香味。呢碗嘅味道算系同价钱成正比，因为平，食之无味，弃之可惜。美禄恐龙听闻多数系饮阿华田恐龙，不过我自己系未饮过嘅。见食评唔少人都点咗美禄恐龙，而自己又好钟意饮美禄，所以叫咗杯试试，点知朋友都一齐叫咗hahaha。呢杯饮品面层有一堆忌廉同美禄粉，老实讲唔太饮到美禄个种香醇，饮完都唔会太有惊喜。