滿屋日本料理 (已結業)

好耐都冇食过放题，行经铜锣湾见到有人派传单，决定上去试一试!呢到既放题一向都好受欢迎，因为除咗单点外仲有个area俾你任攞，种类都有好多同埋新鲜整起，个人几推介佢既寿司同埋炸鸡块&薯条，前菜一流!放题纸方面选择都好多，个人好钟意佢既串烧因为真系即叫即烧，每次都系热辣辣! 烧牛舌直头拍得住日式料理店!芝麻鸡翼我见都系每台必食，肉质鲜嫩同埋仲有肉汁，外皮炸到好脆，超惹味!另外叫咗个寿喜烧牛肉锅，足料又好食，调味适中而且牛肉都系好嫩滑! 仲海鲜粥都系必食!最后仲有得拣想要咩雪糕，食完真系劲满足!