影片
更多
2020-05-20
7596 浏览
想试呢间露台餐厅好耐，价钱合理而且半岛集团出品应该有水准，趁呢排未有咁多人出街，专登入嚟试下。一入到去餐厅，整个环境氛围已经比好高分，一如我哋订枱时嘅要求，被安排坐window seat，靠窗坐可以感受到阵阵凉风，仲清楚望到窗外嘅海景，有种旅行渡假嘅感觉。我哋一行3人嗌咗tea set，拣咗云尼拿蓝莓黑茶，带少少酸味，淡得嚟唔会抢咗食物嘅味。Tea set望落好精致，最高𠮶层系咸点，第二、三层除咗松露炒蛋挞都系甜嘅。 虽然我本身几钟意食甜嘢，但以食材配搭同味道嚟评分嘅话，都系咸点较出色。咸点用料都几上乘，有火腿、烟三文鱼、蟹肉。 比较深刻系蟹肉沙律番茄面包卷，一咬落去番茄面包有淡淡茄香，蟹肉多到跌出嚟，好鲜味好丰富。 芝士慕斯黑麦包，芝士嘅部分滑且带咸香，黑麦包鞋鞋地带麦香，洒上干葱同香草，用脆脆嘅口感同香味点缀咗成件点心 松露炒蛋挞，食落软绵绵到直程唔觉得似蛋，之后蛋味慢慢渗出嚟。松露味唔系好出。挞皮做得几好，不过如果用啲soft啲嘅食材衬炒蛋，应该更加突显到蛋嘅软滑 甜品方面个人比较钟意士多啤梨黑莓挞，甜度适中，用料新鲜。 焦糖朱古力泡芙，表层铺满焦糖脆脆，放入口有啲炸炸地仲越嚟越
一入到去餐厅，整个环境氛围已经比好高分，一如我哋订枱时嘅要求，被安排坐window seat，靠窗坐可以感受到阵阵凉风，仲清楚望到窗外嘅海景，有种旅行渡假嘅感觉。
Afternoon tea set
248 浏览
0 赞好
0 留言
我哋一行3人嗌咗tea set，拣咗云尼拿蓝莓黑茶，带少少酸味，淡得嚟唔会抢咗食物嘅味。
Tea set望落好精致，最高𠮶层系咸点，第二、三层除咗松露炒蛋挞都系甜嘅。
Afternoon tea set
1037 浏览
2 赞好
0 留言
虽然我本身几钟意食甜嘢，但以食材配搭同味道嚟评分嘅话，都系咸点较出色。咸点用料都几上乘，有火腿、烟三文鱼、蟹肉。
比较深刻系蟹肉沙律番茄面包卷，一咬落去番茄面包有淡淡茄香，蟹肉多到跌出嚟，好鲜味好丰富。
芝士慕斯黑麦包，芝士嘅部分滑且带咸香，黑麦包鞋鞋地带麦香，洒上干葱同香草，用脆脆嘅口感同香味点缀咗成件点心
松露炒蛋挞，食落软绵绵到直程唔觉得似蛋，之后蛋味慢慢渗出嚟。松露味唔系好出。挞皮做得几好，不过如果用啲soft啲嘅食材衬炒蛋，应该更加突显到蛋嘅软滑
甜品方面个人比较钟意士多啤梨黑莓挞，甜度适中，用料新鲜。
焦糖朱古力泡芙，表层铺满焦糖脆脆，放入口有啲炸炸地仲越嚟越强烈，原来加咗爆炸糖，完全估佢唔到！泡芙入面就系满满嘅朱古力忌廉，食完好满足(亦都好饱)
订枱时讲明用餐时间两个钟，但当日过咗钟都比我哋继续坐。虽然食物以偏甜嘅甜品为主，比较适合嗜甜人士，但环境同气氛已经攞满分，而且味道中上，份量亦相当足料，好值得嚟
张贴
