影片
更多
2022-03-06
1849 浏览
有睇开我出po，就知我好钟意食叻沙，叻沙系国民美食，就好似香港既云吞面咁。香港嘅叻沙我都食得七七八八，今次介绍嘅系一间隐世小店，其实就系喺小娘惹同一条街。迷汤肉骨茶专门店系一间系2013年开店既新加坡菜餐厅，已经开业九年，一开始系由一对夫妇经营，呢个店主系六年前顶让，夫妇将秘方传授，店主再改良。店铺瑟缩系隐蔽的巷仔，店舖得店主自己制作，所以店舖净系主攻肉骨茶、喇沙同怡保鸡，每个套餐每日卖90份。喺马来西亚嘅店舖，只会独孤一味卖喇沙或者肉骨茶。但喺香港可能贵租嘅原因，买喇沙嘅舖头通常都会卖埋肉骨茶。而呢度肉骨茶用上高级食材、配以二十几种高级药材同香料精心肴制，材料讲究，绝对不含味精。每碗经几个钟文火制作，有养颜、补气补血、提高血液循环既作用。肉骨茶有分星加波既海南派，马来西亚既福建派同广东派，店主话佢唔属于任何一派，只系采集各派精华，去芜存菁，经多番改进而成今日呢款口味。店舖够哂隐世，因为佢唔系大街，而系喺巷同巷之间。餐厅星期六日都休息，平时净系做午市，只系得星期四会做埋晚市，始终一个人运作，规模比较细，由准备食材、买食材、制作、门面、清洁都系得一个人做。其实店舖喺疫情之后有成年冇开店，
迷汤肉骨茶专门店系一间系2013年开店既新加坡菜餐厅，已经开业九年，一开始系由一对夫妇经营，呢个店主系六年前顶让，夫妇将秘方传授，店主再改良。店铺瑟缩系隐蔽的巷仔，店舖得店主自己制作，所以店舖净系主攻肉骨茶、喇沙同怡保鸡，每个套餐每日卖90份。喺马来西亚嘅店舖，只会独孤一味卖喇沙或者肉骨茶。但喺香港可能贵租嘅原因，买喇沙嘅舖头通常都会卖埋肉骨茶。而呢度肉骨茶用上高级食材、配以二十几种高级药材同香料精心肴制，材料讲究，绝对不含味精。每碗经几个钟文火制作，有养颜、补气补血、提高血液循环既作用。肉骨茶有分星加波既海南派，马来西亚既福建派同广东派，店主话佢唔属于任何一派，只系采集各派精华，去芜存菁，经多番改进而成今日呢款口味。
店舖够哂隐世，因为佢唔系大街，而系喺巷同巷之间。餐厅星期六日都休息，平时净系做午市，只系得星期四会做埋晚市，始终一个人运作，规模比较细，由准备食材、买食材、制作、门面、清洁都系得一个人做。其实店舖喺疫情之后有成年冇开店，系前排好耐先开返，题外话佢系最早一批响应612罢工嘅黄店。
店舖比较细，最多只可以容纳8人，环境上有啲局促，晏昼时间差唔多系坐满。
餐牌好简单，第一页就系两款嘅肉骨茶套餐，第二页就系两款嘅叻沙。
-
1️⃣ 叻沙 💰70（👅: 8/10）
叻沙
$70
113 浏览
1 赞好
0 留言
面条方面系掺掺，有油面米粉，油面咬落几滑，米粉咬落几爽，两者都挂汁唔见腍。
配料好丰富，有蛳蚶、虎虾、豆卜、鸡蛋、芽菜同鱼片。
有两只大大只连头大虾，大虾因为去咗壳，方便食，咬落去厚肉结实，食落去丰富虾味，仲可以啜到虾头香浓嘅虾膏。
配料算正宗，因为有蛳蚶，狮蚶系全熟，而唔系半山熟、红当当𠮶种，咬落去爽口，食落去算鲜甜无腥味。
至于鱼片咬落去算爽口弹牙，豆卜食落去入味有豆香，而鸡蛋蛋白入口嫩滑，蛋黄食落够粉香。
-
2️⃣ 招牌肉骨茶套餐 💰70（👅: 8/10）
招牌肉骨茶套餐
$70
73 浏览
1 赞好
0 留言
肉骨茶茶香色浓，闻到阵阵嘅药材味，饮落药材味浓，入口偏苦，有啲太浓，不过肉骨茶香充斥系口腔入面，因为依度冇落味精同盐，只有多种药材烹调而成，所以饮完都唔会觉得唔渴。
排骨够新鲜，咬落肉质松软腍身，入口即化，岩岩好离骨，带小小肥肉，令到口感更加丰富，又唔会觉得油腻。
油炸鬼比较腍身，如果更脆会更好，黑酱油比较普通少少，饭就冇咩特别。
-
🌟食物方面，我觉得喇沙会比起肉骨茶略胜一筹，不过以同区来比较，我最钟意当然系已经结业嘅小娘惹，另外虾面店同埋马来亚春色绿野景致艳雅我觉得个汤都会比呢间浓，如果钟意食冇咁浓味既，咁啲间都系唔错嘅选择。见到店主坚持一人主理，唔谂住开分店，每日亲自拣新鲜猪肉，而价钱又非常平民，系值得支持嘅小店。
星马菜排行榜 (顺序)
Bibi Baba🥇
Rempah Noodles🥈
小娘惹 (已结业) 🥉
星洲总厨
马来亚春色绿野景致耀眼
虾面店
迷汤肉骨茶专门店
苏山鸡饭
苏妈.苏妈马来西亚茶餐室
叻沙排行榜 (顺序)
小娘惹 (已结业)🥇
Bibi Baba🥈
虾面店 🥉
马来亚春色绿野景致耀眼
Rempah Noodles
迷汤肉骨茶专门店
星洲总厨
苏山鸡饭
苏妈.苏妈马来西亚茶餐室
拿督星马大饭店
-
👅味道: 8/10
🍴环境: 7/10
💰消费: $70 (服务费: NA)
张贴
