Home Sweet Home (已結業)

投完票嚟到太子揾食，见咁多正评，当然要嚟一试。入到嚟餐厅，楼底几高，餐厅灯光微暗，又播住钢琴嘅纯音乐，环境一流。睇下menu，索价较高，如果好食，俾多少少都无问题。我哋叫咗两份rib eye 餐同一份牛柳并龙虾餐。appetitizer好精致，味道唔错，可惜份量较少。等咗成粒钟到rib eye 上枱，一阵似咸虾嘅霉臭味强攻入鼻，一刀切开件rib eye, 再索一索，真系反肚。我以为系一种特别腌料嘅味道，就胆粗粗抱住食臭豆腐嘅心态试食，切咗比骰子仲细嘅份量放入口，真心唔想咁失仪吐出嚟，不过sorry 我做咗尼个动作！向waitress 投诉，佢即刻帮我哋换咗另一块扒。可惜嘅系，再整嘅牛扒虽然无咸虾味，不过块扒中间系冻㗎！😱😱😱😱今晚冒死嚟试咗一次，真系好够皮啦！