咖啡亭 (已結業)

虽然订左位，但入座时比较混乱，都要啲时间安排入座。坐位比较窄，人手比较少，收碟速度未如理想，有时返到埋位，旧碟仲系度。我很喜欢食虾蟹，一份鳕场蟹脚系大型超市都卖2百几，黎到呢度净食蟹脚都回本，蟹脚鲜甜带有天然海水味，正！难得不断REFILL都系贵价的鳕场蟹脚，无话转到其他款式的蟹脚。蚝是即叫即开，卫生、安全，我唔食得蚝，不过朋友话唔错！都食左3转。虽然款式不多，但贵精不贵多，而且不停REFILL，食到你唔食为止。喜欢佢用雪柜储存甜品，待你选取后，职员从雪柜拎俾你，卫生、整齐、够冻！木糠布甸正，芝士蛋糕香浓，桂花榚清甜，tiramisu则麻麻地。