永樂餃子店

营业中

休息中

星期日晚上八点，上环可选择嘅黄店唔多，行咗几条街，最后嚟咗呢间。呢间系老店，虽然店内装修同格局唔似好老，不过墙上面嘅古典风孔雀图就暴露咗小店嘅年龄秘密啦😂。叫咗八只鸡肉冬菇木耳饺，汤底拣咗花胶淮山猪骨汤，另外再加杯豆浆。豆浆先上，呷一口，唔太甜，黄豆味非常浓郁，好饮👍。呢度嘅饺子外型比较独特，呈长条型，唔算好饱满，但系每只都包得好实净。咬一啖，饺皮颇厚，唔系我喜欢嘅类型；馅料调味唔错，木耳亦够爽口，不过鸡肉略嫌唔够肉味。成碗饺子最出色嘅肯定系个汤底，鲜甜到不得了，斋饮汤都值回票价😆。食完呢餐，成晚都唔觉口渴，证明冇落味精，呢度又有分加🤗。