玖五牛肉麵 (已結業)

终于有时间出黎试呢间台湾牛肉面了。话说好多人都话明星效应比较多，但见到啲面既相都系忍唔住出黎试下佢柠檬珍珠冬瓜茶好得意系用白色珍珠，超弹牙而且唔会过甜。冬瓜茶味道清甜，值得一赞系餐厅一律采用不锈钢饮筒招牌三合一(牛筋，牛腩，牛肚）红烧汤底个汤我话你听，我争啲清左浓郁既汤头，淡淡既牛肉清香，太惹味了。牛筋唔系我钟意既质地，我略嫌太冧。牛腩软硬适中非常入味。我最钟意就系个牛肚，够弹牙但又唔会咬唔烂麻辣鸭血不夸大，我从未食过咁好食既鸭血。大家都知鸭血要入味系一件好难既事，呢个鸭血一咬落去多汁都争啲喷出黎，入味非常。佢个麻辣仲要系舒服的麻，微微的辣，真系太好味了男友食既系蕃茄汤底，味道当然无红烧咁浓郁，但蕃茄味道清爽，而且系妈妈牌蕃茄汤既味，而唔系出面食个啲胶蕃茄膏味麻辣臭豆腐个种臭，自问食尽台湾臭豆腐既我，都从未试过。臭到入心，就算我钟意食臭豆腐都要慢慢食先食得哂价钱亲唔亲民就两睇。我不嬲觉得系香港食台湾野系揾笨，呢个价系台湾食食到十倍既野。但位于铜锣湾而且咁高质既台湾菜，我觉得已经算系咁了题外话，当日见到老板娘系铺开会，好似仲有好多新菜式，有时你话人明星效应背后，人地付出几多你地又知几多？