新籽田會館 (已結業)

之前黎呢栋楼食泰国野已bookmark左呢间餐厅！私隐度极高既餐厅，露台同包箱都比人包左，想私人聚会食中菜既朋友可意考虑下。讲返食物，水准唔错！桂花糯米藕好有特色既江南菜，热食既前菜，莲藕入面酿左糯米，再加上桂花酱，甜甜地，令人开胃既甜前菜！东坡肉虽然未去到入口即溶，配住块包食一D都唔腻。狮子头狮子头放系狮子头形既容器内😆，卖相相当可爱，咬落好软腍又惹味。酸菜鱼超大盘！选用既系桂花鱼，无乜骨，寛粉吸哂汤既精华，好食又饱肚！清炒莴荀清清地既一道菜，每条莴荀都好爽脆！桂花酒酿丸子清香暖胃既甜品，丸子好烟韧，完美咁完结成餐饭。