影片
更多
2018-12-25
1617 浏览
好话唔好听，虽然由我所住嘅美孚区入深井颇方便，一程巴士52X上公路，下一个站就已经喺深井，不过，就总喺觉得远，非常之少入嚟。但呢期小弟揾食踪影好旺佢，一连两个星期入咗嚟食嘢，第一转教会活动入咗嚟「深井陈记」食午餐，隔个星期再入嚟行山，临尾晌「荣记」食个下午茶先走。今篇就先讲「陈记」(青山公路深井村63号)，其实多年前都帮衬过「陈记」，但就喺前啲𠮶间大铺（陈记商业中心地下），今回就后少少间村屋「老店」，我见个招牌多咗「琦哥号」，无深究喺唔喺又喺啲同门拆咗出嚟。呢间铺开晌村屋，大部分喺村屋外嘅半露天位。因为我哋人多，足足十多围，所以，有几围上咗楼，上到二楼，一个房都摆到3围，但感觉就局促啲。而是日食团餐，乜都安排好晒，有嘢食就得喇。亦因为咁，唔太方便慢慢影，所以，张张食物相都喺一上枱就快摄，免影响其他人。驰明深井陈记烧鹅（跟濑粉一窝）嚟「陈记」，我都标准嘅指定菜式就喺烧鹅，虽然，小弟唔喺成日食烧鹅，所以，难以跟其他店比较，就单单讲眼前呢碟。讲真，都几高质素，外皮深红富光泽，一咬酥脆有油香，肉味浓而嫩滑，够晒肉汁，又无话腌得太咸，再搭啲濑粉衬吓，好耐无食过烧鹅濑喇。竹笙海皇羹个海皇羹算唔上有
今篇就先讲「陈记」(青山公路深井村63号)，其实多年前都帮衬过「陈记」，但就喺前啲𠮶间大铺（陈记商业中心地下），今回就后少少间村屋「老店」，我见个招牌多咗「琦哥号」，无深究喺唔喺又喺啲同门拆咗出嚟。呢间铺开晌村屋，大部分喺村屋外嘅半露天位。
因为我哋人多，足足十多围，所以，有几围上咗楼，上到二楼，一个房都摆到3围，但感觉就局促啲。而是日食团餐，乜都安排好晒，有嘢食就得喇。亦因为咁，唔太方便慢慢影，所以，张张食物相都喺一上枱就快摄，免影响其他人。
驰明深井陈记烧鹅（跟濑粉一窝）嚟「陈记」，我都标准嘅指定菜式就喺烧鹅，虽然，小弟唔喺成日食烧鹅，所以，难以跟其他店比较，就单单讲眼前呢碟。讲真，都几高质素，外皮深红富光泽，一咬酥脆有油香，肉味浓而嫩滑，够晒肉汁，又无话腌得太咸，再搭啲濑粉衬吓，好耐无食过烧鹅濑喇。
竹笙海皇羹个海皇羹算唔上有咩特别，但就好多料，交足功课，啖啖都有竹笙同海鲜料，而且，汤羹嘅质感调校得几好，估唔到都几滑身。
菠萝咕噜肉烧鹅合格有余，汤羹亦唔错，其他嘅小炒又点呢？个咕噜肉卖相唔错，酱汁校得酸甜开胃，又唔呛喉，𩠌饭一流，啲肉排松化，粉浆唔过厚。
蚝皇掌翼啲掌翼炆得够腍，而且好入味，蚝汁茨亦调得好，薄薄一层挂晌掌翼，最怕𠮶啲杰到好似胶水咁，再者，蚝味浓郁，垫底嘅生菜亦保持脆身。
栗米鱼块自从有餐厅写「斑块」被人告得入之后，见间间餐厅都改为鱼块，用雪藏鱼柳就一定架喇，还好喺脆浆做得香脆不腻，薄薄哋勾个蛋花粟米茨汁，整体唔差。
北菇红烧豆腐我几欣赏佢哋啲小炒，唔会太咸，又无话浆糊咁嘅茨汁，而呢道红烧豆腐都喺，冬菇够厚肉，豆腐嫩滑有豆香，外皮带点柔韧，手势平稳扎实。
豉油皇中虾个团餐海鲜菜式无乜，唯一就喺呢道中虾，外观睇落好惹味，亦闻到阵阵豉油香，中虾亦都够晒大只有睇头，而味道确喺不俗，唯虾肉无预期咁爽弹，还好喺不失虾鲜味。
蒜蓉炒菜心最后上嘅一道菜喺炒菜心，基本嘢，喺平衡番餐饭食咁多肉，啲菜够清甜，唔老，已经收货啦。
除有一大窝濑粉，仲有喺白饭任食，我哋呢枱细路多，所以，食到我哋啲大人捧住个肚走，哈哈！质素方面，心中有数，大致附合预期，而服务方面，OK啦，喺一上菜时砰砰嘭嘭咁机关枪式上菜啫。
题外话/补充资料：
人均消费一栏喺估计嘅啫，未必实际反映今餐饭嘅消费。
(以上食记乃用户个人意见 , 并不代表OpenRice之观点。)
张贴
