深井咖喱寶

营业中

休息中

慕名而来，远赴西环一游！餐牌有必食推介，不过我哋想揾自己嘅推介，都冇乜跟风呢！先来免费嘅薄脆头盘，薄脆配上薄荷酱或辣酱都各具特色，喜欢脆口及清新开胃的辣椒仔topping!铁板烧春鸡份量充足，热辣辣鸡腿鸡胸两大件，腌得入味，带有少辣，惊喜！咖喱牛肉是红咖喱，平时爱吃加了椰奶的少辣青咖喱，想不到不算劲辣的红咖喱配芝士烤饼有一百分好味！ 松化烤饼厚度刚好，芝士多到流出黎，就算唔点咖喱都够浓味，美中不足系牛肉稍为过熟呢！(仲有个正位睇到厨房嘅大厨整薄饼呢！)最后食埋菠菜薯仔，菠菜蓉应该用左唔少菠菜，连同薯仔带有入口即溶嘅感觉，好满足！愈食愈辣，但绝对刺激食欲！话说去到咖喱店当然要饮Mango lassi，好juicy，又新鲜，唔知落左几多个芒果呢？ 好饮，啖啖都好爽！食饱饱后， 热情友善嘅老板仲送左一盘地道糖果俾我地拣，拣左咖啡糖甜住走呢！听讲老板在港住了十多年，已经摸熟香港人嘅口味！所以更觉得晚餐嘅味道好啱港人！值得推介！有机会要试埋深井分店，相信水准一样好呢！