Soul Cafe

营业中

休息中

深井街市未必人人識去，更加好少人知佢有好嘢食！但深井人就一定識去搵好嘢食！呢間餐廳只做早餐及午餐，但經常座無虛席！家庭式經營，但睇得出非常用心嘅一間細小食店！服務一流，侍應及廚師都笑容滿面，禮貌十足！All day breakfast 用料靚，分量十足，賣相仲好得！佢杯咖啡簡直一流，但係好快飲完，唔記得影相添！另外個egg benedict 味道同質素同中環的餐廳不相伯仲，絕不輸蝕！仲有每次必食之選黑松露雜菌忌廉意粉好好味，記得叫加大，咁份量就好足夠！阿仔次次必定加一個牛角包，貪佢有果jam 呢間餐廳價錢經濟實惠，深井人個群組個個食完都讚賞！每次比錢，姨姨總會送一啲迪士尼嘅貼紙比小朋友，令小朋友好開心！