深井陳記燒鵝酒家

营业中

休息中

陈记烧鹅听就听得多，食就真系第一次食。 今日爸妈竟然话好想食烧鹅， 咁梗系带他们试下深井嘅陈记烧鹅啦!晚饭时段已经爆晒场， 好彩都系等咗一阵就有位， 真系好好彩。人少可以坐卡位，人多可以坐圆枱， 座位都 阔落。我们叫左个b餐，分别有半只烧鹅， 清蒸海斑 和姜葱肉蟹煲。烧鹅分量好足，烧到金黄色， 皮香肉嫩，当中仲带点juicy，味道刚好， 唔会太咸，非常滋味。而清蒸海斑都好大条， 鱼肉香滑，新鲜鲜甜， 烹调时间控制得非常好，一d都唔鞋，仲好有水准添。肉蟹好大只，个煲好似刚刚放得落。味道鲜甜惹味， 姜葱又多，非常足料， 呢个餐真系非常抵食。蒜蓉虾配糯米饭， 糯米饭用一个笼仔装住，卖相好靓好吸引。 虾嘅份量好足，精华比糯米饭吸晒，令到糯米饭更加烟韧鲜甜， 令人食到停唔到口。如果简单啲又唔想谂太多，其实叫呢个海鲜三宝系最抵， 又有海鲜食同时又可以食埋烧鹅， 一举两得你话几好。