鳥森 (已結業)

虎年对饮食业黎讲继续系一个考验，大半年冇咗晚市后好多小店都选择关门大吉；话虽如此，学啲作家话斋，「结束其实只系另一个开始」，市内当真有不少新店上场，为食猫们当然系要去支持吓啦！上周就孖咗靓女舞伴一尝日式烧鸟专门店「鸟森」。「鸟森」位于铜锣湾核心地段，交通四通八达。餐厅占用七楼面积全层，室内并无花巧之装潢，正门嘅灯笼、红色布帘、架上嘅清酒瓶同啲菂薂嘅小摆设足以渗出日本风情。用餐大堂开扬通爽，排出红黑嘅二至多人合并式散座空间感足。另设有九个吧位围绕著左方嘅开放式厨房，可边食边跟师傅互动沟通，有气氛得多。如相所示，厨房好深好大，而且光鲜企理，经理姐姐不时更会亲自跟进食物，态度认真得很，食客大可以放心！饮品牌共有底面两页。食烧野最好就系啤一啤佢，XO仔不用多谂即选醇滑嘅三得利生黑啤！食物餐牌同样为底面两页，中日英对照，简单易明。两口子应推介每人点咗客包有精选烧鸟8本、烧物、食事、汁物及甜品嘅人气套餐「Mori Set」（$580/人），经理姐姐即时问及有否食物敏感或唔食嘅部位要注意，确真细心得很！落单后，妹妹仔随即呈上干湿纸巾、竹签桶及自用餐具。其中餐碟上配备有青柠、柚子酱、盐粉及七味粉以供串