尼斯餐廳 (已結業)

食过甜品未够喉又不想回家。我原本想食中式菜，因为而家既天气令我想食D清淡野，于是就话去正街新开既舖头。不过行到去既时候，朋友仔话想食西餐，最后选择呢度。我唔想食肉，所以拣左个算系最清既忌廉带子意粉set dinner($49)朋友仔要阿根廷西冷set dinner($60)。汤要一红一白，两者都是热呼呼自家制，罗宋汤刚入口时有点辣，但辣味竟然慢慢地清失，而且汤渣几好味。忌廉汤稀但够味。至于跟汤蒜蓉包很好味。忌廉带子意粉几清新有三色椒芦笋带子，可惜带子是直径只有8mm的mini size，到喉不到颈。阿根廷西冷要五成，出到来刚刚好，很软熟。最后要冻鸳鸯和冻柠茶，柠茶普通，鸳鸯好味。甜品要了布甸同雪糕，布甸不值一试，雪糕是有朱力碎既朱力味，好好味，用铁碗仔载住，够怀旧。环境几清优，不过有几只扰人既蚊滋仔飞黎飞去。另外，侍应也一样，不停地系身边行黎行去，令我觉得自己好似电视剧集中既囚犯，同朋友见面时有个警察企系侧边。所以我相信繁忙时间会好一点，因为d侍应一定唔会咁他条行行企企。题外话，title改成咁系因为读小学果阵日日经过呢度都唔觉有人，而门口又用黑'蚊蚊'既玻璃，永远唔知入面系点。