影片
更多
2021-03-26
2189 浏览
自从「闺•家 」登陆深水埗西九龙中心之后，身边同事彷如多咗一个饭堂，我每次去食都一定会撞到熟人🤣。可想而知佢几受欢迎，咁又系嘅，始终呢个商场无几多间正正式式入舖位嘅餐厅。餐厅以无味精茶餐厅自居，但其实佢比我嘅感觉唔太似茶记。虽然我已经食过好几次，但都仲未食匀哂所有菜式，每次总系会挑战新嘢😀！咖喱牛腩饭($50)，今日终于食埋闺家嘅咖哩🍛。呢度嘅咖哩汁同饭分开上，所以汁量充足捞哂成碗饭。咖哩口味清淡，椰味🥥较辣味突出，老少咸宜嘅味道。辣度有得拣，我哋叫小辣其实一啲都唔辣，而且感觉辣味系来自红色嘅辣油。𩠌料有牛腩同薯仔萝卜，🐮牛腩有好多件，而且每件都大大件，亦炆得好淋，唔错。另外，我仲加咗$6要半只溏心日本蛋🥚，坚流心。菜肉云吞菠菜面($39)，呢度嘅手工面好有特色🍜，系餐厅嘅自家出品。菠菜面系三色面入面比较大路嘅一款，但就唔好预期会食得出菠菜味🌿，估计系搓面团嘅时候加入相关元素。汤面一定要衬热食，呢只面如果浸汤浸得耐应该会糊，不过正常进食的话面条其实好弹牙，兼且条条分明。𩠌料拣咗菜肉云吞🥟，用上椰菜做馅几爽口，但得三只，略嫌少咗啲。饭餐会送细盅老火汤🔥，星期三款式系海底椰粟子煲猪展，唔好
自从「闺•家 」登陆深水埗西九龙中心之后，身边同事彷如多咗一个饭堂，我每次去食都一定会撞到熟人🤣。可想而知佢几受欢迎，咁又系嘅，始终呢个商场无几多间正正式式入舖位嘅餐厅。
餐厅以无味精茶餐厅自居，但其实佢比我嘅感觉唔太似茶记。虽然我已经食过好几次，但都仲未食匀哂所有菜式，每次总系会挑战新嘢😀！
咖喱牛腩饭($50)，今日终于食埋闺家嘅咖哩🍛。呢度嘅咖哩汁同饭分开上，所以汁量充足捞哂成碗饭。咖哩口味清淡，椰味🥥较辣味突出，老少咸宜嘅味道。辣度有得拣，我哋叫小辣其实一啲都唔辣，而且感觉辣味系来自红色嘅辣油。𩠌料有牛腩同薯仔萝卜，🐮牛腩有好多件，而且每件都大大件，亦炆得好淋，唔错。另外，我仲加咗$6要半只溏心日本蛋🥚，坚流心。
菜肉云吞菠菜面
$39
19 浏览
0 赞好
0 留言
菜肉云吞菠菜面($39)，呢度嘅手工面好有特色🍜，系餐厅嘅自家出品。菠菜面系三色面入面比较大路嘅一款，但就唔好预期会食得出菠菜味🌿，估计系搓面团嘅时候加入相关元素。汤面一定要衬热食，呢只面如果浸汤浸得耐应该会糊，不过正常进食的话面条其实好弹牙，兼且条条分明。𩠌料拣咗菜肉云吞🥟，用上椰菜做馅几爽口，但得三只，略嫌少咗啲。
饭餐会送细盅老火汤🔥，星期三款式系海底椰粟子煲猪展，唔好睇汤品细细碗，入面好足料㗎。上次饮觉得太甜，今次就啱啱好。
麻辣鸡肾
$28
10 浏览
0 赞好
0 留言
招牌猪扒
$18
10 浏览
0 赞好
0 留言
总括嚟讲，闺家小店确系唔错👍，大部份食物都好啱我味蕾😋，而且定价亦好大众化。餐厅面积细，所以环境有啲迫，餐枱距离亦比较窄，不过场内有一大幅墙画，主题系配合返深水埗嘅地标特色，细心留意仲会见到手足添，好有心思啊💛。
张贴
