龍德樓 (已結業)

老细将煎蛋牛肉饭和金针云耳蒸鸡饭(个名大约记得，有错莫怪> <)摆落张枱到，除咗个煲外形几靓之外，睇落其实冇乜特别。我跟手将枱上支鼓油，系咁意放少少落个煲到，希望够味啲。女友平时夜晚好少食咁多饭，都扒咗几碗，我谂住叫佢，虽然要俾钱，都唔驶chur到咁尽架嘛，跟住见佢都系咁扒，可能饿挂，咁我都费事得佢清晒，咪开动。一食，我都呆咗下，鼓油唔过咸、唔过甜，最紧要既，就系带少少酒味，将姜丝啲辣味都中和晒，唔单只咁，连鸡油都渗入晒啲饭到，恰恰好，唔似海南鸡饭咁得个油字，热力足够到，连个煲有一丝裂纹，如果系啲边位，我都会谂佢懒，唔换好啲生财工具；但条裂纹系个煲底，上枱个阵仲热既，咁姐系话个师传成日用大火，keep住个煲既温度，仲要唔系短时间，起码都大半年，日日咁做先会有纹。埋单个阵，我找少两蚊，好味既嘢，唔一定要揾米猪莲，用心既，其实总会有人知道。