心夜來潮 (已搬遷) 新店位置

因为有朋友生日 一于近近地系旺角食饭 一致同意食打冷系旺中对面楼上 位置就脚 入面都好阔落 坐得舒服我地嗌左唔同既野食 呢个四季豆茄子炒猪颈肉好惹味 食落口都唔会成口油既感觉 闻落都好香呢个啫啫娃娃菜煲非常好食 食落口有少少辣辣地 而且娃娃菜好腍 食左第一啖之后停唔到口 我同朋友都非常之钟意呢碟卤水鹅肠处理得都几干净 唔会有腥臭味 而且仲有芽菜铺底 上枱时会有辣椒酱同醋俾你点 而且份量都几大碟 食极都未完蚝饼上枱时 我地都哗左一声因为都好大个 好香蛋味 d蚝都几新鲜 而且切既时候卜卜脆 再点埋鱼露食好香口我地仲嗌咗个卜卜蚬煲 一上枱同想像中唔同 我地以为系有蒜蓉同辣椒个只拣 呢款系清汤做底 加埋d粉丝金菇粟米 成个汤饮落好清甜而且d蚬都好多又大只都冇乜沙 几新鲜整体来讲 食物质素都几好 而且环境都舒服 地点就更不在话下 侍应服务都好好 下次再来叫其他野食先