深宵食堂 (已結業)

之前去过深宵食堂o系铜锣湾既分店, 觉得唔错, 所以今次就同朋友黎尖沙咀呢边再食~ 尖沙咀店比较宽敞, 仲有户外座位, 不过天气热成咁真系唔好搅XD 野食方面, 2间分店都有小小唔同~试左几款新野之余都有食番佢地既signature, 2个人叫左芝士蟹肉烧玉子, 蒲烧鳗鱼饭, 蜜烧八爪鱼(鸡肉肠), 日式炒野菜, 一口牛, 盐烧鲭鱼同牛舌~ 呢个芝士蟹肉烧玉子系佢地既招牌, 里面既芝士多到流出黎, 芝士味浓而且蛋煎得软熟, 唔会太老, 中间见到夹左一层蟹肉, 但味道唔突出, 已经比芝士盖过~蒲烧鳗鱼饭唔算太大碗, 2个人share就可以试多几款烧物, 鳗鱼大块而且软嫩, 但唔够多汁~蜜烧八爪鱼其实姐系鸡肉肠, 蜜糖落得够哂多, 甜甜地都几好食, 但就无咩特别~呢排食得太多肉所以点左份日式炒野菜, 上面仲有木鱼, 但油份太多, 做唔到想食清淡d既效果~一口牛一份有2串, 卖相讨好, 牛肉味浓但过熟, 好un~而呢串牛舌就好好食, 好香好爽口而且juicy, 系水准之作~最后既盐烧鲭鱼比想像中大份, 煎得鱼皮微脆, 岩哂配啤酒~