強記美食 (已搬遷) 新店位置

睇完舞台剧有啲肚饿，想食少少嘢，谂起强记喺附近，于是行过去揾食。呢晚依旧好多人帮衬，本来想堂食，但我唔想坐喺后巷，于是决定买外卖企喺度食，买外卖嘅人都好多，等咗差唔多10分钟，好彩买到最后一份，唔系又要再等佢煎。之前食过煎虾米肠粉念念不忘，所以今次都叫咗1份，肠粉外皮煎得香脆，食到肠粉有米味，而且好滑，正! 但虾米比起以前就好似少咗，食几嚿先有1粒虾米仔，少咗阵虾米香味，但系下次经过都会再 encore 佢嘅煎肠粉。