深宵食堂 (已結業)

星期一嘅晚上, 虽然系打工仔一周工作嘅开始, 好多人都会系Blue Monday, 但系食一餐好, 可以即刻抹去蓝调, 带黎缤纷嘅色彩。同朋友去到尖沙咀美食街, 厚福街楼上嘅深宵食堂。之前都有听闲过呢间餐厅, 今次终于可以黎到品尝。炎炎夏日, 分别先要一杯茘枝同埋青苹果梳打, 两者味道都清爽解渴, 味道天然, 亦唔会过甜, 十分不俗!然后试左个芥末八爪鱼同埋软壳蟹沙律。前者八爪鱼切得够细, 相当有咬口, 而且味道带点日本芥末味, 非常有滋味; 而软壳蟹沙律有车厘茄、沙律菜, 感觉清新, 软壳蟹炸得金黄香脆, 最后加上蟹籽以及沙律酱, 感觉极为丰富!接著系食炸物嘅时间: 芝麻鸡翼, 炸得亳不油腻, 皮脆肉嫩, 充满肉汁, 值得推介! 而吉列广岛蚝同样出色, 脆皮香脆, 广岛蚝新鲜肥美, 即使经过苏炸之后, 仍然保持鲜味。一口牛卖相相当吸引, 一串一串的插在薯仔上, 火喉烧得刚刚好, 保持嫩滑嘅感觉, 因此保存著不少肉汁, 高质素示范!日式煎饺子, 饺子皮非常薄, 饺内包著鸡软骨, 食嘅时候口感非常特别!汁烧帆立贝, 粒粒份量都唔细, 肥美非常, 厚身嘅帆立贝, 鲜甜无比, 多叫两串亦不过