六本木日本料理

营业中

休息中

寻晚同好朋友去咗呢间食晚饭。餐厅嘅装修都几舒服。里边嘅气氛好好，好有日本居酒屋嘅感觉。我哋点咗鸡子、牛舌、鲣鱼汤乌冬、炸饭团、清酒煮蚬、香芒蟹籽沙律、香芒软壳蟹手卷、海老云丹天妇罗、鸡泡鱼干同明太子玉子烧。鲣鱼汤乌冬嘅汤底好浓，鲣鱼肉大大嚿，汤底热辣辣用石头锅另上，等食客可以自己调教汤嘅份量。个汤好好味，我同朋友梗系唔放过啦。海老云丹天妇罗咬落去热辣辣嘅虾仁比紫菜包住，外边仲有一层好薄嘅天妇罗皮包住，食落去好有层次感。串烧鸡子上边放咗啲芥辣同柚子，令到食物更加惹味。反而个蒜蓉牛舌油分太多。呢间嘢嘅老板好热情，会主动同啲客倾偈，介绍吓啲食物。仲会唱吓歌添，不过𠮶晚似乎over口咗，成个场好似变咗K场咁太嘈倾唔到偈。所以我同埋朋友最后只能提早买单走噜。