茶屋町 (長沙灣道) (已結業)

星期五放工后，同朋友去左深水埗脑场买完只game后系附近揾食，上网serach 到呢间茶屋町好近所以过左尼呢到。7点半左右都坐满晒，好彩咁岩有人走先唔使点等。门口位置放左蛋糕柜，有D抹茶甜品可以买走既。内里装修系仿日本铁路车厢，有种去左日本既感觉。主食主要系便当，用上日本产米同蛋，几有诚意。后面甜品类占左好大篇幅，睇尼呢度既甜品都唔错。由于我地两个比较大食，所以系一人叫左一个便当既。我叫既炸虾咖哩便当，炸虾热辣辣，炸皮炸得岩岩好唔会好油腻。饭面加左D饭素，最岩我呢D重口味既人，前菜都好丰富，有玉子烧，昆布同紫心番薯。味噌汤用左冷面既容器去装，放耐左都仲好热。里面有豆卜同萝卜。朋友叫既系芝士猪扒咖哩便当，芝士猪扒既芝士好香，有牵丝!其余前菜都系一样既。令我好奇既地方有比我地既两杯茶，一杯有好多茶叶，另一杯全无既，见其他枱都系咁，唔知有咩特别呢。