十常八九

营业中

休息中

依间深水埗嘅日式Cafe已经bookmark左好耐，终于有机会试到。成间Cafe只有四张枱，如果想walkin建议开店前20-30分钟去门口排队会比较稳阵，我早左15分钟去到已经排紧第四张枱，真系睇缘分，缘分到左就会自然食到🤣。其实迟左少少到都唔紧要嘅，可以登记左先，然后喺深水埗影吓文青相，好快有枱会电话通知返你。黄豆黑糖豆乳🍡 $48见好多人嗌，应该系招牌饮品，黑糖豆乳豆味香浓，上面仲有一串口感烟韧嘅小丸子，打卡一流又好饮。波波青提慕斯蛋糕🍇 $58蛋糕上层铺满清甜嘅青提同蒟蒻，下层似系忌廉芝士蛋糕，外型十分精致，不过味道就唔算太惊艳。蜜瓜卷蛋🍈 $68依个蛋糕一定要嗌，个人觉得超级好味，卷蛋湿润松软，蛋味香浓，完美配搭返北海道牛乳忌廉同静冈蜜瓜肉，令蛋糕充满蜜瓜味嘅清新，一试难忘🤤。