影片
更多
2018-03-05
246 浏览
呢间餐厅平日午饭同晚饭时间都会大排长龙，所以我同同事就好奇想睇下呢间餐厅到底有几巴闭！当日我地午饭时间去，大约等左30分钟先有位。铺头唔算大，全部食客都要搭枱，但系座位唔算太逼，都坐得舒服~我地叫左两款肉骨茶，配料分别系一字骨同猪脚弯，另外仲叫左招牌老鼠粉、马拉咖喱鸡肉捞面、仁当牛肉干捞面同埋咖央多士。肉骨茶饮落有鲜甜肉香，药材味唔算太重，一字骨同猪脚弯入味得嚟又唔会好似平时煲完汤啲肉咁老，肉质仍然保持嫩滑。重点系肉骨茶系免费添饮，所以钟意肉骨茶嘅朋友一定唔可以错过！老鼠粉其实即系银针粉，上面铺咗肉碎同香肠，食落咸香惹味。两款捞面都用咗油面，面质比一般油面硬身、有咬口。马拉咖喱鸡食落几香又唔会太辣，仁当牛肉食落似浓味版咖喱，好香口，超好味，但系味道偏辣。另外值得一赞嘅系咖央多士！多士好松脆，咖央酱嘅椰子味好浓，牛油分量刚刚好，食到有牛油香但系又唔会咬到一大旧牛油搞到成口肥淋淋。总括嚟讲，呢间餐厅嘅食物味道真系唔错，而且价钱又唔贵，CP值极高呀！唔怪得成日都大排长龙啦~
当日我地午饭时间去，大约等左30分钟先有位。铺头唔算大，全部食客都要搭枱，但系座位唔算太逼，都坐得舒服~
我地叫左两款肉骨茶，配料分别系一字骨同猪脚弯，另外仲叫左招牌老鼠粉、马拉咖喱鸡肉捞面、仁当牛肉干捞面同埋咖央多士。肉骨茶饮落有鲜甜肉香，药材味唔算太重，一字骨同猪脚弯入味得嚟又唔会好似平时煲完汤啲肉咁老，肉质仍然保持嫩滑。重点系肉骨茶系免费添饮，所以钟意肉骨茶嘅朋友一定唔可以错过！老鼠粉其实即系银针粉，上面铺咗肉碎同香肠，食落咸香惹味。两款捞面都用咗油面，面质比一般油面硬身、有咬口。马拉咖喱鸡食落几香又唔会太辣，仁当牛肉食落似浓味版咖喱，好香口，超好味，但系味道偏辣。
另外值得一赞嘅系咖央多士！多士好松脆，咖央酱嘅椰子味好浓，牛油分量刚刚好，食到有牛油香但系又唔会咬到一大旧牛油搞到成口肥淋淋。
总括嚟讲，呢间餐厅嘅食物味道真系唔错，而且价钱又唔贵，CP值极高呀！唔怪得成日都大排长龙啦~
张贴
