閨•家 (西九龍中心) (已結業)

深水埗西九龙中心一直都有一间几出名嘅中式饭店，我朋友成日都话会去𠮶度食家常便饭，于是今日经过就决定去试吓啦。听朋友介绍就食过招牌猪扒饭配煎莲藕饼，猪扒非常之软熟入味，完全系感受到腌咗一段时间先去煮，加上表面有啲香茅，又有啲果汁味，令成个猪扒好Juicy 同美味，而莲藕饼都煎得好香～朋友就食咗咖喱鸡饭，咖喱够晒香浓，个汁捞饭一绝，鸡系比较健康嘅煮法，冇落油炸啱晒健身嘅朋友食多啲鸡肉补充蛋白质哈哈😆另外仲叫咗两个小食，一个系麻辣鸡肾，另一个系炸馒头。麻辣鸡肾好多人叫，嚟到我哋嘅时候已经系最后一碟，份量劲多劲抵食，味道都OK，口感清凉又有啲麻辣feel，夏天食就正啦！炸馒头就唔使讲，够晒邪恶，外脆内软加埋炼奶，食几多都唔厌😆😆 不过佢个炸馒头个壳个人觉得可以再脆多少少厚啲，而家系薄脆啲～而且另外推介嘅位系，呢度仲会配埋冇味精嘅汤水，虽然呢度坐得比较迫少少，但系性价比真系极高，一个套餐50几蚊有主食又有汤饮，真系不愧系我个friend嘅食堂。