潮福蒸氣火鍋 (已結業)

今日收工去深水埗黄金商场行街买嘢。行完之后，见到潮福，就上去试吓啦。今晚星期四都唔算好多人，好快安排座位俾我哋，入左间房坐 。途经见到佢个海鲜区，都几多海鲜㖞，可以试下。呢间野有得蒸海鲜或者食小菜。我地两个女仔今日都唔饿，就唔拣任食既蒸锅。叫左四个菜一个汤。即日原盅炖汤几晚都出街食饭，耐冇饮汤，就问是日靓汤系乜野...姬虫茸炖鸡汤，正。盅汤好足料，有几旧鸡肉，三四旧姬虫茸，仲有两旧螺肉。椒盐焗鲜鱿热辣辣炸得香脆可口，鱿鱼肉大大条，爽口弹牙，配上惹味既椒盐，好味，令人夹完一条又一条。手拍青瓜海蜇天气甘热，冇乜胃口，想食一些开胃醒神既食物，就谂住试下点凉拌小食。呢个手拍青瓜海蜇，清甜爽脆，实在系醒胃之选。豉椒炒海贝起初以为系炒蚬，点知系比蚬大三倍肉既海贝。D 肉冇沙，豉汁味几香，岩晒捞饭食。份量仲要成座山甘高，抵食。啫啫芥兰煲热辣辣、香喷喷甘上枱，够晒镬气又惹味，dup本落左好多虾干，大大条。价格大众化，香港地道风味，味道中上，性格比高，晚饭宵夜好选择。虽然我哋坐左入房，但系间房成日都会有侍应喺度帮我哋落单加茶加水。加分！下次再试蒸气火锅同长脚蟹😍😍