新容記小菜王

营业中

休息中

四个男人几年冇聚过，终于相约在深水埗晚饭，志在饮啤酒，吹下水，试试区内人都好评的新容记，点了几味小菜，大部分都值得推荐。先是烧腩仔，皮脆肉嫩，有落美极调味但不会太咸，送酒送饭都适合。炸大肠有咬口，但嫌佢皮唔够脆，本人觉得麻麻地。可乐鹅酱汁香浓，上菜时扑鼻而来，鹅肉肥瘦得宜又煮到入哂味，极正。啫啫鸡煲够火候，糯米饭应该是生炒出来够香够诚意，干身得来又软糯，都不错吃。小菜食完后饮酒为主，叫了碟墨鱼嘴送酒，口感ok唔系净食粉，也够烟韧，可惜系调味上唔够咸香扣咗分。成餐饭整体系好食嘅，可以再战。