古早牛肉麵 (已結業)

店里面嘅环境十分有特色，向上嘅话好似以前读书细个嘅教科书。店内嘅装修同店名一样充满古早味。麻雀虽小，五脏俱全嚟到当然要食招牌嘅半筋半肉牛肉面。一嚟到就知道碗面好食！汤底唔同平时嘅台湾牛肉面一样咁深色，冇咁重口味，比较啱我喜好。面条软硬适中，煮得刚刚好，亦都食到面粉嘅香味。面上嘅葱花作为点缀，同啲面一齐食就更惹味。碗面最为吸睛嘅地方就系𠮶条白萝卜，足足有大半碗面咁长。味道10分清甜，而且一啲都冇查，亦都唔会住得过分入味。因为坊间有啲白萝卜会到煮到入边充满汤汁，但咁样反而冇咗白萝卜嘅甜味。呢间舖头嘅白萝卜就做到保持白萝卜嘅甜味，而且有汤底嘅味道。大家可以见到𠮶间牛肉几咁充满油脂，筋肉分明。而且牛气冲天！同行友人重点咗一碗牛肚牛筋面，牛肚份量颇多，一个人食绝对够饱。仲叫咗一杯古早仙草奶茶，叫咗微糖唔会好似死甜，茶底亦都非常特别。