閨•家 (西九龍中心) (已結業)

成日经过西九龙中心都见到排晒队嘅餐厅，今日见少有地少人啲，于是就把握机会去试吓啦！🤤呢到主打住家饭，价钱都十分之亲民同住家feel! 饭餐连汤都系讲紧50蚊左右，真系抵过自己煮啦。唔同星期日子仲会有唔同嘅汤水，唔会饮死同一种。汤几清甜亦都有少少汤料，饮完无口渴，赞！柱候牛腩筋饭，牛腩筋同萝卜都好入味🤤个汁味道比一般食店清，钟意食清淡啲嘅朋友啱晒，成日街啲野太重口，呢只味比较噤食。香煎莲藕饼猪扒饭都好好味，猪扒有用香茅腌，好入味甜甜咸咸咁。小食就叫左炸馒头同埋烧猪颈肉，小食价钱非常之抵，岩晒食正餐都唔够饱嘅朋友！Overall性价比高都无得再高，唯一系餐厅环境少少细，可能坐嘅时候要将就下。