德豐打冷粉麵餐廳

营业中

休息中

今日又系喺深水埗上堂，终于等到放饭，约埋一班朋友一齐出去食餐晏昼先。点知伤心酸辣粉竟然未开添，唯有去隔离间茶餐厅食啦。间嘢门面都几大间下㖞。叫嘢食先，因为我哋人太多，所以我哋分咗两枱食。我叫咗个午市F餐，冻奶茶。同我同枱两个frd都叫咗烧味饭食。我哋每个人都附送一碗老火汤。今日系佛手瓜猪骨汤，睇嚟系每日都会唔同。F餐系焗葡汁鸡扒火腿饭，我个餐系咁多个人入面最迟送到嘅，应该系仲焗紧啫…出到嚟个饭卖相唔错，味道都好正，葡汁同鸡扒非常之高质，几嫩口。成个饭虽啖啖都好热好辣口，但系好食嘅程度都抵返晒。