Major Tom (已結業)

经常喺日间去到深水埗大南街嘅cafe, 系一种文青风嘅小慢活感觉。今次系夜间嚟到同一个地方，又系另一种神秘感。喺大南街嘅一个角落，有间以太空为主场嘅cafe, 一到入夜就摇身一变成为一间酒吧。以白色同银色为主嘅装修，加上够哂科幻感嘅灯光有如入咗个大空舱，食返哂Major Tom 呢个太空Theme。冬荫功泰式感十足嘅cocktail。有清新嘅lemon grass 同埋香茅味，加上有住小小柠檬同埋辣味，好似饮紧一个冬荫公冻汤咁。Old Fashion威士忌cocktail 最 classic 嘅选择，有烟薰嘅香橙味。贴合返cafe 主题，cocktail 中嘅咖啡豆令到cocktail 有咖啡微香。口感几full body 而且有层次感。Bar Tender Omakase 以柠檬为主题嘅free style cocktail, bar tender 仲落咗黑椒同埋香茅， 饮落辣辣哋仲有少少蜜甜味，味道好似食紧一粒柠檬糖。铺头喺下昼五点后会有酒鬼放题free flow cocktail 供应，日晚分明两种style，室外仲会有草地可以俾宠物一齐chill添。