無二三 (已結業)

上周未约左好友一聚update下大家近况，本身谂住去太子一带食个快晏再去买野。点知临落车之前朋友话不如去基隆街𠮶头揾间cafe坐下。二话不说即刻睇下附近有咩好地方可以试下啦。就系布街附近揾到间cafe,望落几好坐，环境几静，餐牌主打日式出品，价钱亦合理。于是就入去试下。日式咖喱滑蛋吉列猪扒饭吉列猪扒炸得松脆，色泽金黄，肉质保留到水份。咖喱日系风味，唔辣较倾向果味。每啖都有好多入味既洋葱条。成餐份量亦都刚刚好。对得住个价钱。喜爱度(5分为满分): 4烟三文鱼麻糬堡麻糬堡包身系窝夫状，质地带烟韧。烟三文鱼有油香，有大片蕃茄同多菜。够新鲜👍🏻。衬左胡蔴酱做点缀。整体味道唔错，绝对可以一试。另外佢汉堡餐都会跟薯条。卖相同坊间有啲唔同，估计用左炸天妇罗嘅方法去处理。又估唔到几好食㖞。下次会试下加钱转炸菇条试下。喜爱度(5分为满分): 4.5台湾紫薯鲜奶冲咖啡既做法冲调呢杯饮品，紫色嘅鲜奶底加棉密嘅奶泡再洒左啲紫薯碎喺面卖相几靓，奶香加埋淡淡的紫薯味，唔太甜，几好饮。喜爱度(5分为满分): 4DirtyDirty冲得唔错。咖啡好够香，连唔饮咖啡嘅朋友都觉得香。平衡做得好好。味道回甘，较Nutty。