康瑞涼茶 (已結業)

因为香港无我心爱既鲜芋仙，香港又极少有质素既芋圆甜品。所以康瑞凉茶绝对系我系香港系芋圆既首选。由之前系中医馆4点后转买芋圆我已经开始帮衬佢。好彩老板揾到新铺位"发大"黎搞，而家全日都有得食到啦。<特式仙草百配配芋圆、地瓜圆、小丸子>， $25，呢个绝对系皇牌之选，抵食到烂!特式仙草百会配淡花奶，系用尼配咖啡果种细杯装淡花奶。有朋友问侍应可唔可加花奶但侍应话一份特式仙草百只可以配一杯花奶，如果要多花奶就要加一蚊比多一杯。仙草好滑配埋花奶甜甜地但又唔会过甜，味道好配合。而芋圆同地瓜圆就好有咬口好弹牙。一份特式仙草百配入面有好多种配料，首先一定有多到数唔晒既芋圆、地瓜圆同小丸子，之后仲有主角之一既仙草配西米、红豆、薏米、珍珠。每一种材料都有好多，连我咁为食都满足到。<糖不甩>，$18，因为见到Menu写住糖不甩系秘制，所以都叫左一份一齐share。一份一共有6粒，不过略嫌水份太多，糖不甩唔同够烟韧。整体黎讲我都系觉得佢地个<特式仙草百配配芋圆、地瓜圆、小丸子>系香港系无敌，因为无一间可以性价比咁高而又咁高质素。