影片
更多
2023-06-16
1001 浏览
江南濑粉呢间简直系深水埗嘅隐世好味小店🥹大家见到呢个post一定要去试吓首先讲吓佢呢一款猪膶+猪红+鹅肠濑粉💲63佢有几款汤底，可以选择 我呢碗选择咗猪骨汤底佢嘅猪骨汤望落好清 但系清得来好香 而且饮落亦都唔会觉得口渴 十分足料！佢嘅濑粉系手工制嘅所以每一条都唔同大小 有粗有幼好有口感煮得软硬适中 软糯得来有咬口😍佢嘅猪红 真系好好味😭质地好滑嫩 而且冇血腥味重点系佢入面亦都好入味 唔会剩系得外皮有味 口味偏甜系我好钟意嘅猪红😆另外佢个猪润 好食到我想就咁嗌一碟嚟食！ 佢系黄沙猪膶，即系带有啲沙姜味嘅猪润煮到啱啱好熟 质地超级滑唔会煮到好鞋 而且有好香嘅沙姜同埋酒味有咬口，而且唔会好难咬 简直刷新左我对猪润嘅观感反而鹅肠就冇乜特别基本上系冇味的，可以话佢系清洁得好干净嘅鹅肠冇任何异味，但系下次应该唔会再叫🤣另外一款就系牛筋+牛肚+牛腩濑粉💲69呢一碗嘅汤底就系自带腩汁我哋冇特登改汤底～个人觉得比起猪骨汤腩汁𠮶个会重口味少少 同样地，都系好出色嘅汤底牛筋系有咬口的 个人比较喜欢煮得好软 入口即化嘅牛筋不过佢呢款都唔错牛肚就不过不失反而佢嘅牛腩十分有惊喜煮得好腍好够味之余！ 同时佢亦都系
呢间简直系深水埗嘅隐世好味小店🥹
大家见到呢个post一定要去试吓
首先讲吓佢呢一款
猪膶+猪红+鹅肠濑粉
💲63
佢有几款汤底，可以选择
我呢碗选择咗猪骨汤底
佢嘅猪骨汤望落好清 但系清得来好香
而且饮落亦都唔会觉得口渴 十分足料！
佢嘅濑粉系手工制嘅
所以每一条都唔同大小 有粗有幼好有口感
煮得软硬适中 软糯得来有咬口😍
佢嘅猪红 真系好好味😭
质地好滑嫩 而且冇血腥味
重点系佢入面亦都好入味
唔会剩系得外皮有味 口味偏甜
系我好钟意嘅猪红😆
另外佢个猪润 好食到我想就咁嗌一碟嚟食！
佢系黄沙猪膶，即系带有啲沙姜味嘅
猪润煮到啱啱好熟 质地超级滑
唔会煮到好鞋 而且有好香嘅沙姜同埋酒味
有咬口，而且唔会好难咬
简直刷新左我对猪润嘅观感
反而鹅肠就冇乜特别
基本上系冇味的，
可以话佢系清洁得好干净嘅鹅肠
冇任何异味，但系下次应该唔会再叫🤣
另外一款就系
牛筋+牛肚+牛腩濑粉
💲69
呢一碗嘅汤底就系自带腩汁
我哋冇特登改汤底～
个人觉得比起猪骨汤腩汁𠮶个会重口味少少
同样地，都系好出色嘅汤底
牛筋系有咬口的
个人比较喜欢煮得好软 入口即化嘅牛筋
不过佢呢款都唔错
牛肚就不过不失
反而佢嘅牛腩十分有惊喜
煮得好腍好够味之余！
同时佢亦都系好有牛味同埋唔会黐牙嘅牛腩
最后仲嗌咗
南乳猪手
💲48
猪手亦都好够味道
而且都有六件好大只
不过猪皮上面仍然有少少猪毛未清干净
呢点就有待改善～
另外讲埋𠮶两杯冻柠茶就系冇乜特别嘅冻柠茶🤣
整体而言
十分推介食佢嘅猪润同埋猪红仲有牛腩
佢哋嘅濑粉亦都好出色！
希望大家快啲试吓呢间隐世小店！
P.s. 舖头仲有两只可爱猫店长🥰
张贴
