潮州人 (已搬遷) 新店位置

典型小店格局，全舖应该唔超过12个位。一入门口见到墙上嘅连侬墙同埋文宣，就觉得好熟悉。睇完餐牌，内心不期然充满惊喜餐厅主打食米粉，基本上所有面都系米粉底（都可以转汤饭）。另外有几款小食，出奇地系主打海鲜，都有鸡肾、鸡翼同糖心蛋今晚晚餐叫咗两个汤面+一款小食手切肥牛米粉 $53- 虽然名就比较普通，但系啲牛肉食落充满惊喜。系打边炉食本地手切肥牛嘅感觉，有咬口亦都有肥膏，虽然厚切但食落都系爽嘅- 个汤饮落咸咸地，都算够味，但就唔会令人好难忘。配米粉绰绰有余师傅醉鸡翼米粉 $42- 肥牛咁出色，醉鸡翼就属于正正常常。醉鸡翼一早整定就无可厚非，不过上菜嘅时候可能就有少少搅唔清楚究竟系热上定系冻上。搞到放汤嘅时候鸡翼表面就热，不过咬落里面就冻- 鸡翼味道可以，都算入味- 汤就比肥牛米线更加浓郁，不过都系得个咸字葱油广岛蚝 $62 - 老实讲系呢啲小店食号本身都唔会太大期望，事实上呢道菜又真系冇乜令人失望，不过都冇乜惊喜- 蚝算系中小型size，有蚝味，不过唔算肥美- 食食下就会觉得其实三款汤可能都系同一个汤底。有少少dry总括来讲，大致上不过不失。价钱来讲，喺深水埗食一碗米粉要差不多$50都算贵