影片
更多
2021-05-24
176 浏览
❀ 迷你毛 #深水埗 ❀❗️深水埗少有超大咖啡店 坐得舒适食物又高质❗️——————————————————迷你毛系英文名Minimal嘅译音，顾名思义餐厅走简约路线。但话简约其实装修又唔算非常简约，门口有张打卡梳化，一边用上粉红色墙，富有少女感觉💞另一边就主要用啡白色，有大量宽敞枱櫈，唔迫坐得好舒服！食物亦加入玩味元素，最signature莫过于个个都嗌嘅半圆拱形tiramisu，加入薄脆同埋朱古力酱，创新好味😋！另外餐厅仲会定期改良及推出新菜式，价钱亦非常合理，系间真系可以食得饱又觉得好食嘅Cafe (你哋明的🤭)。.✷𝑀𝑒𝓃𝓊✷☞ 带子龙虾汁阔条面 $128 (4/5)当日新推出嘅菜式，好食😆！三粒大大煎得刚好嘅带子。龙虾汁非常浓郁，带点辣味，惹味！再加上少少伪鱼子酱，好似三文鱼子咁咸咸香香，提升鲜味👍🏻。唯独系阔条面比较薄，冇正宗意大利餐厅手工意粉咁有咬口，不过以及Cafe定位来讲已经好高质，仲要好抵食！.☞ 烟三文鱼班尼迪窝夫 $95 (3.5/5)佢哋嘅窝夫🧇都系唔少人必点嘅菜式，除咗烟三文鱼Benedict之外，仲有辣手撕猪肉、煎蛋炸鸡(mimics Duck&Waffle)
❗️深水埗少有超大咖啡店 坐得舒适食物又高质❗️
——————————————————
迷你毛系英文名Minimal嘅译音，顾名思义餐厅走简约路线。但话简约其实装修又唔算非常简约，门口有张打卡梳化，一边用上粉红色墙，富有少女感觉💞另一边就主要用啡白色，有大量宽敞枱櫈，唔迫坐得好舒服！食物亦加入玩味元素，最signature莫过于个个都嗌嘅半圆拱形tiramisu，加入薄脆同埋朱古力酱，创新好味😋！另外餐厅仲会定期改良及推出新菜式，价钱亦非常合理，系间真系可以食得饱又觉得好食嘅Cafe (你哋明的🤭)。
.
✷𝑀𝑒𝓃𝓊✷
☞ 带子龙虾汁阔条面 $128 (4/5)
当日新推出嘅菜式，好食😆！
三粒大大煎得刚好嘅带子。龙虾汁非常浓郁，带点辣味，惹味！
再加上少少伪鱼子酱，好似三文鱼子咁咸咸香香，提升鲜味👍🏻。
唯独系阔条面比较薄，冇正宗意大利餐厅手工意粉咁有咬口，不过以及Cafe定位来讲已经好高质，仲要好抵食！
带子龙虾汁阔条面
$128
36 浏览
0 赞好
0 留言
.
☞ 烟三文鱼班尼迪窝夫 $95 (3.5/5)
佢哋嘅窝夫🧇都系唔少人必点嘅菜式，除咗烟三文鱼Benedict之外，仲有辣手撕猪肉、煎蛋炸鸡(mimics Duck&Waffle)、炒蛋牛油果，同埋全日早餐拣。
当中烟三文鱼应该系最多人选择嘅款式，两只poached egg都做到非常流心🍳。
不过荷兰酱就唔算好多，亦未够rich，酸味有啲重。
烟三文鱼比较薄，窝夫亦唔算好脆，相对普通。
烟三文鱼班尼迪窝夫
$95
9 浏览
0 赞好
0 留言
.
☞ 薄脆拿破仑 $72 (4.2/5)
将拿破仑整成椭圆形，几特别。
冇平时拿破仑𠮶种酥皮嘅感觉，取而代之系焦糖炖蛋表面层焦糖咁香脆。
内里夹杂着吉士，加埋炒香左嘅榛子。
最正最正系配上爆爆珠嘅伯爵茶雪糕，惊喜爆灯👍🏻👍🏻👍🏻！
薄脆拿破仑
$72
20 浏览
1 赞好
0 留言
.
☞ Tiramisu $72 (4.2/5)
个个必嗌🥰！
其实几乎间间餐厅或者Cafe都有tiramisu，而且本身制作过程唔复杂，所以好少好难食，但同时亦好难令我难忘。
不过呢度嘅tiramisu果然有惊喜🤩！
将Mascarpone芝士同朱古力混合，表面有咖啡朱古力薄脆、手指饼浸满咖啡酒同杏仁酒浸过，底下仲有朱古力酱！
芝士、咖啡、朱古力三种味道非常合配😋先会感受到芝士嘅细滑，继而系咖啡嘅苦涩，慢慢再有朱古力嘅香甜平衡返，后劲仲有酒香，好好食！
Tiramisu
$72
19 浏览
0 赞好
0 留言
Tiramisu
$72
23 浏览
0 赞好
0 留言
.
☞ 特浓朱古力 $48 (3.5/5)
网上睇图见到有好多朱古力碎而且涌晒出嚟觉得好吸引(有啲似sensory zero𠮶杯)，不过饮落去无想像中咁浓郁，反而同细个喺m gay饮到多啲差唔多🙈。
特浓朱古力
$48
41 浏览
0 赞好
0 留言
.
☞ 火龙果乳酪 $46 (3.8/5)
呢杯相对好啲，清新微甜👌🏻。
入口会先感受到好强烈嘅乳酪味，慢慢会再深透火龙果嘅甜味。
另外仲有芒果味选择。
火龙果乳酪
$46
34 浏览
0 赞好
0 留言
——————————————————
✨整体味道: 4.1/5
✨环境装修: 3.9/5
✨服务态度: 4/5
✨性价比: 4.4/5
✨再访兴趣: 4/5
.
💞整体来讲
店主多番提及希望为客人提供到平价优质嘅食物，以及舒适嘅环境，真心觉得店主做得到！以Cafe来讲，食物质素颇高，尤其甜品真系好好味😋而且又有创意，唔系一式一样嘅Cafe食品，分量足够价钱好合理！真系一间坐得舒适又可以饱肚美味嘅Cafe。
张贴
