卡邦尼餐廳

营业中

休息中

今日出完深水埗买嘢，之后见到附近有间餐厅平平哋食个晚饭先。 餐厅以黄色做主调，几有一种欧陆风格。 首先跟餐送咗两碗餐汤，一个罗宋汤，一个甘笋汤，味道都唔错。 我哋叫咗个蒜香鸡球炒意粉🐔🍝，啲蒜片好香，意粉烟韧又弹牙，鸡球滑溜。 真心整得好味过好多出面贵价西餐厅。绝对值得一试呀！另外叫咗个香煎三文鱼扒，煎得好香口，一啲腥味都无，不过可以加少少柠檬汁会更加好。薯菜份量都几多，而且炸得香脆可口。 最后有埋餐饮添。我哋叫咗一杯冻柠水同埋冻柠茶，柠檬味道足够，而且够冰冷。