影片
更多
2020-10-20
405 浏览
去咗深水埗福荣街天下茶屋，主打食日本咖哩菜式。门口摆设彷效日式食店有模型畀人参考，亦都有外卖饮品吧，日式台式混搭嘅饮品。平日午巿有套餐，周六日就单点。望落都几吸引，餐牌有图片参考埋：咖哩饭、乌冬、芝士乜乜乜。几个人点咗三个主食加配饮品两杯及饺子一客。应该都即叫即整或者翻热，所以都要耐心等下。如果求快餐嘅朋友就no no啦。间舖主打咖哩饭，就叫咗个牛油烤鸡扒咖哩饭 (甘口)。卖相整齐简单，鸡扒都有巴掌咁大架，饭就一碗份量 (细食女仔又系可以share) ，杂菜伴碟。杂菜有用味豉油腌炒调味咗先，所以都有入口，有菇有菜红萝卜，有半只手掌份量。咖哩汁叫咗甘口，所以系完全唔辣，怕辣朋友可放心，轻轻甜味但又食得出有咖哩底味，不过都似即食咖哩𠮶种口感。鸡扒厚切，虽然系牛油烤，但食落唔觉有牛油香味，外面焗到少少干身，内里鞋口，但系都系腌唔够味，要醮啲咖哩汁送入口。生姜豚肉乌冬配花虾明太子薯蓉乌冬。睇落好大碗，卖相都唔错，闻落都有忌廉汤香气。汤底饮落水偏油，似金乜牌忌廉罐头汤嘅底，但再稠身啲，因为有落埋薯容底，淡淡甜味，都唔错嘅，饮多几啖会少少腻。豚肉片份量都多，半肥瘦肉片呈上，如果要瘦肉嘅朋友就未必啱
门口摆设彷效日式食店有模型畀人参考，亦都有外卖饮品吧，日式台式混搭嘅饮品。
平日午巿有套餐，周六日就单点。望落都几吸引，餐牌有图片参考埋：咖哩饭、乌冬、芝士乜乜乜。
几个人点咗三个主食加配饮品两杯及饺子一客。应该都即叫即整或者翻热，所以都要耐心等下。如果求快餐嘅朋友就no no啦。
间舖主打咖哩饭，就叫咗个牛油烤鸡扒咖哩饭 (甘口)。卖相整齐简单，鸡扒都有巴掌咁大架，饭就一碗份量 (细食女仔又系可以share) ，杂菜伴碟。杂菜有用味豉油腌炒调味咗先，所以都有入口，有菇有菜红萝卜，有半只手掌份量。咖哩汁叫咗甘口，所以系完全唔辣，怕辣朋友可放心，轻轻甜味但又食得出有咖哩底味，不过都似即食咖哩𠮶种口感。鸡扒厚切，虽然系牛油烤，但食落唔觉有牛油香味，外面焗到少少干身，内里鞋口，但系都系腌唔够味，要醮啲咖哩汁送入口。
生姜豚肉乌冬配花虾明太子薯蓉乌冬。睇落好大碗，卖相都唔错，闻落都有忌廉汤香气。汤底饮落水偏油，似金乜牌忌廉罐头汤嘅底，但再稠身啲，因为有落埋薯容底，淡淡甜味，都唔错嘅，饮多几啖会少少腻。豚肉片份量都多，半肥瘦肉片呈上，如果要瘦肉嘅朋友就未必啱食，但系半肥瘦肉，入口个吓半溶嘅口感又带有啲汤底忌廉味，正正子! 至于乌冬，唔系手打嘅，系粗身乌冬，外面系烟韧口感但面条入面较硬身，但整体都OK，唔知有无得要求偏硬/ 偏软呢？不过朋友食到一半其实都有少少饱，因为个汤底。配料有鸣门卷同杂菜，唔特别写，都系正常味道。
吉列猪扒汤乌冬配乌冬汤底，吉列猪扒另上。碗乌冬相对另一碗好似细啲，但可能只因为个配菜另上而且汤底系稀身水状多啲。汤底偏重豉油味，无特别突出，咸甜适中，不过都系偏油重。至于乌冬，口感同白汤𠮶款一样，外烟韧内偏硬身。至于个吉列猪扒，份量都大份又相对薄切。外层炸到金黄色，咬落真系脆炸「爽爽声」，肉层肉嫩松软多汁，无热都辣咀嘅，个炸粉层同埋个猪肉唔会分离咗，系会痴住嘅，抵赞!
单点嘅饺子，一客有五粒，送餐意外翻侧晒。个饺子汁都系现成酸甜口味，唔系自己调制嘅，所以又系唔特别评价。饺子望落去煎到小小干水，底部都系金啡色。咬落去皮薄薄，肉身系松散 (唔系松软!) ，都应该系急冻饺子非自己包，成碟都系失色。
寒天蜂蜜爆珠乌龙茶，乌龙茶味唔出，但都开心有好多爆珠嘅。
黑糖小丸子热鲜奶茶，可能热茶个茶味出啲，但系偏甜又有少少张住个口咁。唔好太甜朋友记得少甜。小丸子唔系黑珍珠或者白糯米丸，半透明状，烟韧口感，饮一半加埋小丸子，饱晒。
舖头设计简单，木色为主，有二四人座，亦有长枱吧枱。侍应们都好好礼貌。整体中规中矩，无咩太大惊喜，吉列猪扒都可以一试的。
张贴
