蘇媽.蘇媽馬來西亞茶餐室 (已結業)

有次经过深水埗谂住食蕃茄师兄，点知铺头话准备中，要六点先开饭，咁就去咗隔离食苏妈。苏妈系我一直想试嘅餐厅，因为几钟意食白咖喱。首先系槟城白咖喱油面，配料有猪红、芽菜、白鱼蛋、虾仁等等。咖喱重椰汁味，加辣之后都唔算太辣，所以我哋连汤都饮埋。然后系槟城亚参叻沙米线。朋友话米线弹牙，配料丰富，不过汤底好辣，怀疑加辣加错喺佢度😂但系都系好食嘅。另外就系佢哋特色嘅马来西亚拉茶，饮落茶味无乜，多数系奶味同甜味。好大杯，女仔可能饮唔晒。