沙巴泰越館

营业中

休息中

🐻家族一段时间无来深水埗，look下OpenRice 见到有间沙巴越泰馆，有泰菜又有越菜，相当特别，🐻👩🏻心郁郁想试下。来到见到餐厅装修好摩登鲜明，好colourful，仲播住轻快音乐，感觉好chill同深水埗有好大反差。🐻👩🏻望完餐牌见到有套餐咁方便，就点左个丰盛二人套餐都系$248，有前菜，主食仲包饮品呀，认真大件夹抵食。小食有泰式炸虾饼，虾饼啖啖肉，啱哂🐻👨🏽呢只食肉兽，酸辣无骨凤爪同泰式猪颈肉沙律，两款酸酸辣辣好开胃。泰式辣椒膏炒蚬，辣中带甜，蚬肉都唔少，食极都仲有。飞天通菜，豆酱味较浓，通菜幼细无渣，小小辣好惹味。泰皇烧鸡，以香料腌制后烧烤，上枱见到半只份量都好大，仲散发一股香烤风味，入口香料同鸡肉完美混合，真系必食之选。