L Place Cafe (已結業)

去完玩具街，同朋友想揾间cafe慢慢坐倾下偈，不过望黎望去都系茶餐厅多，都系上openrice揾到呢间cafe😂叫左两个dinner set，有牛角包同薯蓉忌廉餐汤。速度真系好快，叫完转头就有汤饮，个汤啖啖薯蓉。基于咩都想食d，叫左个海陆空三军上将 ，有3只肉。烧春鸡多汁又滑，有半只甘多，食完都饱左7成。牛肩胛真系第一次，好juicy牛肉味重，加埋d酱汁。吉列虾无期望太多反而觉得几好食，平时出面通常都系雪藏味多，d度居然食落有虾味，两只太少，要食多几只先够喉😂薯格都好香脆，带少少辣。巴马火腿蒜香意粉我朋友最钟意，因为蒜味好重，钟意食蒜嘅朋友唔好错过。意粉煮得啱啱好，加埋旧火腿，层次多变。食物质素性比价高，环境气氛都好啱倾偈，呻下苦水。