影片
更多
2022-01-23
757 浏览
无得去旅行就会挂住第二个地方既食物，马拉野一定系其中一样最想飞去食既菜式，真系又平又好食！今次去左深水埗既苏妈·苏妈食马来西亚菜过下瘾先。去食得人气餐厅都预少少时间排队，不过通常好快有位，去到记得揾姐姐拎飞仔同齐人要扬声！坐低左就一定要叫招牌既肉骨茶，只要最少叫一款肉骨茶，姐姐就会拎碗仔同碟仔过黎，然后帮同枱同行既客人都斟一大碗热辣辣既肉骨茶，碟仔就系比客人自己加蒜蓉、辣椒、头抽同黑豉油，调制自己钟意既味道，一阵用黎点肉食。同新加坡口味既胡椒味唔同，马来西亚口味既肉骨茶药材味较重，但又有肉汤既味，饮啖补身肉骨茶真系成身都暖晒，跟住就可以食啲肉，今次叫左棒棒骨（$92），肉质好软唔干唔柴，有阵阵既药材味，点埋酱食惹味啲。另外仲可以加白饭（$15）同油炸鬼（$18），送肉骨茶一流，饮完一碗仲可以叫姐姐再加热汤，唔怕饮唔够。（温提！记得！如果女士们月经期间就要尽量忍口唔好饮甘多，因为肉骨茶有当归、川芎等药材都系补气、行气活血，孕妇不建议食用，如果月经期间太补亦可能会血量大增唔舒服，除非你想要血的教训，如果唔系就等过左先补。真系会嫁，唔好问我点解知🤦🏻♀️)辣死你吗其实系由Nasi Lemak
今次去左深水埗既苏妈·苏妈食马来西亚菜过下瘾先。去食得人气餐厅都预少少时间排队，不过通常好快有位，去到记得揾姐姐拎飞仔同齐人要扬声！
坐低左就一定要叫招牌既肉骨茶，只要最少叫一款肉骨茶，姐姐就会拎碗仔同碟仔过黎，然后帮同枱同行既客人都斟一大碗热辣辣既肉骨茶，碟仔就系比客人自己加蒜蓉、辣椒、头抽同黑豉油，调制自己钟意既味道，一阵用黎点肉食。同新加坡口味既胡椒味唔同，马来西亚口味既肉骨茶药材味较重，但又有肉汤既味，饮啖补身肉骨茶真系成身都暖晒，跟住就可以食啲肉，今次叫左棒棒骨（$92），肉质好软唔干唔柴，有阵阵既药材味，点埋酱食惹味啲。另外仲可以加白饭（$15）同油炸鬼（$18），送肉骨茶一流，饮完一碗仲可以叫姐姐再加热汤，唔怕饮唔够。
（温提！记得！如果女士们月经期间就要尽量忍口唔好饮甘多，因为肉骨茶有当归、川芎等药材都系补气、行气活血，孕妇不建议食用，如果月经期间太补亦可能会血量大增唔舒服，除非你想要血的教训，如果唔系就等过左先补。真系会嫁，唔好问我点解知🤦🏻♀️)
辣死你吗其实系由Nasi Lemak直译既，系指椰浆饭，除左肉之外，通常仲要配青瓜、炸花生鳯尾鱼仔、鸡蛋同辣酱，苏妈呢度仲有几块虾片。辣死你吗配仁当牛肉（$62）造型好靓，彩色既排盘令人好有食欲，仁当其实系加一堆香料既炖牛肉，有食咖哩既感觉但口感会柔和啲，唔会好辣好呛。
招牌砂煲老鼠粉（$88）见到枱枱都叫个煲就跟风叫左，趁热将窝蛋、肉碎、各种配菜同啲老鼠粉捞下，第一啖入口会觉得好香好滑，但再食就觉得有啲太甜同浓，太重黑豉油味。
最后压轴嘅当然系马拉名物：椰香咖央多士（$32）同海南鸳鸯烧面包（$42），烘好既多士加埋香甜既咖央酱同牛油真系好邪恶，个人更钟意苏妈既烧面包，黑色既面包入口更脆更香口，入面仲要系一整块既牛油，咬落口感好丰富，配埋拉茶（$24）最啱，苏妈既拉茶会撞起左好多泡泡再送上比客人，好睇又好味，记得饮既时候要搅匀啲炼奶，如果唔系会越饮越甜。
如果系平日午餐时段黎，可以有优惠价加饮品，抵食啲，平日仲有外卖下午茶，下次再试！
马来西亚拉茶
11 浏览
0 赞好
0 留言
肉骨茶汤
8 浏览
0 赞好
0 留言
辣死你吗配仁当牛肉
$62
42 浏览
0 赞好
0 留言
招牌砂锅老鼠粉
$88
16 浏览
0 赞好
0 留言
椰香咖央多士
$32
8 浏览
0 赞好
0 留言
海南鸳鸯烧面包
$42
24 浏览
0 赞好
0 留言
张贴
