桐 (已結業)

呢排成日想成寿司饭，同事就介绍咗一间外卖寿司店 — 桐。舖头唔算大但几企理，入面大概有六个座位，lunchtime过去都见到几多街坊同学生帮衬，想必一定抵食又高质。寿司定食（$74）总共有三文鱼、剑鱼、八爪鱼、希灵鱼、蟹籽、呑拿鱼蓉同赤虾卷十件寿司，配麻酱沙律同味噌汤，个人最钟意呑拿鱼蓉同赤虾卷，赤虾卷上面有三文鱼籽，紫菜卷入面包住玉子、青瓜同蟹柳，口感丰富！吉列猪扒丼（$42）超大块吉列猪扒，外酥内嫩，再淋上惹味秘制酱汁，伴沙律同珍珠米饭，好味又超饱肚！柚子八爪鱼沙律（$15）新鲜沙律草加上八爪鱼片，鲜甜有咬口，柚子汁非常清爽！日式炸饺子（$10）好耐无食炸饺子，呢度炸到外皮香脆，馅料菜肉比例平衡又多汁。