番茄師兄

营业中

休息中

今日又系深水埗度出没，之前揾过一间系深水埗食番茄面嘅好似好正咁，而我同我女朋友又系番茄迷咁梗系要去试一试啦。一坐低见到间铺头嘅装修都几新颖，墙上边嘅木制餐牌又几别致。睇完餐牌之后我就叫咗个犇犇有礼嘅牛肉面，而女朋友呢就叫咗个四宝丸番茄汤浓汤，见到佢有个麻辣瑞士鸡翼几特别又叫埋佢，仲加左个炸鱼片头同埋叫左两杯野饮，柠檬雪梨露同桂圆红枣桑寄生茶。先讲个犇犇有礼牛肉面，食落都几有牛味但系有啲部位就有少少鞋，个番茄汤底如果再浓少少就好啦同埋如果有啲蕃茄容喺入边嘅话咁就冇得顶。反而个麻辣鸡翼就真系有啲惊喜，系出面食唔到呢个小小麻辣又有瑞士鸡翼既sweat sweat味道。个四宝丸就正常嘢啦冇乜特别。反而个柠檬雪梨路都几出色， 女朋友都争住饮我个杯唔记得咗饮自己个杯野。总括来讲如果系蕃茄控休又行开深水埗嘅话都可以去试吓呢间铺头㗎。