均香餅家 (已結業)

同事食晏时提起想买包鸡仔饼，穿过一条隧道仔就见到间饼店，佢话均香系老字号出名。佢就买了一磅鸡仔饼($40)，都几贵。我好少食鸡仔饼所以唔系好知乜味，但食咗嚿就觉得一般般，唔会令我钟意上呢样食品。外皮唔脆，味就咸咸哋，系南乳味?🤔，食一嚿已经好饱。题外话，呢到仲有好多其他食物卖，皮蛋酥、鸡蛋饼等中式港式饼；而且亦有面包类🍞，餐包、蛋挞、猪仔包、萝卜包、蛋糕等。同时贺年食品同端午蛋王咸肉粽都应有尽有，食品款式众多。不过价钱普遍都偏贵！另外，均香有参与成为💞爱心面包计划机构，善长人士可以捐钱，饼家就会喺星期三同六早丄十点免费派100个面包比长者有需要人士！如果有兴趣做善事嘅，可以留意下，各施各法帮忙有需要嘅人😉。