周記油渣麵 (已結業)

嚟到深水埗旧区散步，一定要食返啲传统美食啦！每次嚟到深水埗一定会嚟周记食返碗油渣面过下引，因为而家制作传统嘅油渣面嘅店舖已经越来越少了！周记都系数一数二屹立左喺深水埗咁多年依然都咁好食嘅油渣面铺头！今次来到见到佢重新装修咗间舖头，把间铺一分为二，干净企理左👍墙上面呢仲画满咗好多深水埗嘅怀旧美食和旧时深水埗既场景，𠮶种老香港怀旧情怀嘅感觉涌晒上嚟，真系好值得保留🥹周记油渣面佢最出名既油渣系炸到好肥美，好似呢食紧猪大肠嘅口感一样，好松软，自问食过咁多间油渣面佢呢个油渣系最肥美最香口嘅一间！真系好令人怀念，而佢个面既质地就有少少似乌冬咁，就冇乜太特别，但系个汤头呢都好鲜甜，清清地啰，主要都系来食佢个油渣啰！反而个面同个汤呢就冇乜特别，不过见到佢呢同以前有少少唔同，见佢加多咗好多唔同嘅菜式例如系牛肉面等等，冇办法啦要喺香港生存就系要识变通，多样化嘅食物先可以吸引到新嘅客人，希望佢可以一路经营落去啦💕