竹目日本料理 (已結業)

同honey去完攞相之后专登揸车去深水埗！谂起想食日本野就去返上次见到某明星捧场嘅日本菜～我哋今次食二人餐：竹，因为睇佢个菜单样样野都好啱我哋食！法国生蚝充满咸鲜味！另外刺身每样都好鲜甜，有比目鱼鲷鱼赤贝牡丹虾全部都好新鲜！另外寿司亦合哂我哋河车，寿司饭好有醋香味亦系手握！南瓜薯饼同忌廉蟹肉薯饼亦炸得好好食完好想再encore⋯⋯之后嘅蒜香一口牛肉虽然一开始食咸咗少少但系越食越滋味最后个海鲜乌冬虽然系一度好简单嘅𩠌菜但系每样都好新鲜，樱花虾亦都好正！甜品有柚子雪糕，入面有柚子蓉俾人一种好清新感觉！全晚客人唔多，所以佢哋都好专心为我地服务，又换碟又换纸巾。 虽然价钱一啲都唔平，成＄700两位…喺深水埗来讲都几贵，但系今晚真系食得好开心希望下次再黎会见到老板嘅其他艺人朋友～