池家人煲仔飯

营业中

休息中

煲仔饭要有靓饭焦，同意请举手🙋🏻‍♀️！最近去深水埗睇布料，发现有间干净企理嘅煲仔饭，一于试试！个装修有啲东北风，挂咗辣椒串、粟米串等装置，一个个雅座都好有特色。⭐嗌咗两款煲仔饭，饭粒分明又干身，捞乜都好食😆！两个煲底＆煲边都有香脆饭焦😋，阵阵焦香 + 脆脆口感，为煲仔饭口感＆味道都加添层次～～🧡 炸菜田鸡煲仔饭，田鸡肉嫩滑多肉，冇腥味，炸菜够咸又爽脆，捞埋一齐食加啲煲仔饭酱油，味道丰富😋。🩶 咸鱼肉饼煲仔饭，肉饼够大块，半肥瘦肉饼，肉质有弹性，咸鱼够咸香，捞埋肉饼味道就啱啱好。如果钟意偏咸，可能会觉得旧咸鱼唔够大😆。💚 凉拌拍青瓜，欣赏佢真系拍青瓜🥒而非切青瓜。口水汁辣中有酸，好惹味又开胃，啱晒中和食晒整煲煲仔饭嘅饱济感。