豐鍋雞煲 (荔枝角道) (已結業)

去完深水埗买嘢，就同老公去食好西，老公话好耐无食佢至爱嘅鸡煲啦🐔，就拣咗间喺荔枝角道嘅鸡煲，门口仲有对翼可以影下相打下卡添。 一坐低，我哋先点咗个丰锅招牌麻辣鸡煲半只🐔，都只系$178，有几种辣度可以拣，有大、中、小、BB辣🌶，甚至走辣都可以，不过老公钟意食辣，但我又好怕辣，最后佢就我拣咗个BB辣，辣度啱啱好，有大量芫荽、干葱、蒜🧄，味道唔会太盐，非常之惹味。鸡肉亦都好嫩滑，好入味！ 食完鸡煲就开始打边炉啦，我哋点咗必叫嘅顶级安格斯牛小排🐮，肉质鲜美滑嫩，油花分布均匀，鲜嫩多汁，非常美味。 手打四宝丸🍡有虾丸、鲮鱼丸、墨丸同墨汁墨丸，粒粒都系手打㗎，爽口弹牙，真材实料，每粒仲有啲蟹籽喺面头，增加口感。 即炸紫菜响铃好大件，食落脆卜卜，仲有紫菜喺入面，感觉更加香脆。 杂菜篮蔬菜🥬新鲜爽口，色泽翠绿。 打边炉梗系要一边食一边饮啦，点咗一杯玫瑰柚子，一杯水蜜桃梳打，味道酸甜适中，冰凉可口🍹。